მარკეტინგის მენეჯერი

ვეტერინარული კომპანია „ინვეტი“ აცხადებს ვაკანსიას მარკეტინგის მენეჯერის პოზიციაზე. შპს „ინვეტი“ საქართველოში ვეტერინარულ სფეროში მოღვაწე ლიდერი კომპანიაა, რომელიც 25 წელია ოპერირებს საქართველოს ბაზარზე და ნერგავს თანამედროვე ტექნოლოგიებს ISO სტანდარტების შესაბამისად. კომპანიის ძირითადი მიმართულებებია: ფერმერული მიმართულების ვეტერინარული სერვისების განვითარება, ფერმერული მიმართულების კომბინირებული საკვების წარმოება, ვეტერინარული მედიკამენტების წარმოება და იმპორტი, შინაური ცხოველების საკვები და მოვლისს საშუალებების რეალიზაცია/იმპორტი. კომპანია საქართველოს მასშტაბით ფლობს 35 ფილიალს, სადაც ხდება როგორც ფერმერული მიმართულების პროდუქციის ასევე შინაური ცხოველებისთვის საჭირო პროდუქტების რეალიზაცია. სამუშაო განრიგი: სრული (ორშაბათი–პარასკევი 09:00–18:00 სთ) სამუშაო ლოკაცია: თბილისი ანაზღაურება: გამოცდილებისა და კვალიფიკაციის მიხედვით შეთანხმებით ძირითადი მოვალეობები: კომპანიის მარკეტინგული სტრატეგიის შემუშავება; კომპანიის ცნობადობის გაზრდა; მარკეტინგის და ბრენდის განვითარებისთვის სამუშაოების უწყვეტად მიმდინარეობის უზრუნველყოფა; ახალ პროდუქტებსა და ბრენდებზე მუშაობა; გაყიდვების დეპარტამენტთან მჭიდრო თანამშრომლობა, გაყიდვების ზრდა და მარკეტინგული აქტივობების წარმართვა; ბაზრის კვლევის წარმოება და მარკეტინგული ანალიზების გაკეთება; ბაზრის მოთხოვნების, ტენდენციების და ზრდის პერსპექტივების შესწავლა; ექსპორტის მიმართულების განვითარების მიზნით მარკეტინგული სტრატეგიის შემუშავება, შესაბამისი აქტივობების დაგეგმვა/განხორციელება; კონკურენტების შესახებ ინფორმაციის გაანალიზება და ხედვა; კომპანიის და თითოეული პროდუქტის სარეკლამო სტრატეგიის შექმნა; ადგილობრივი და საერთაშორისო სახის ღონისძიებებში ორგანიზაციის მონაწილეობის ორგანიზება; (გამოფენები, კონფერენციები და ა.შ.) სტრუქტურული ერთეულებისთვის დროული მხარდაჭერის უზრუნველყოფა მარკეტინგული კუთხით; კომპანიის ვებ გვერდის და სოციალური ქსელის გამართულად და შეფერხებების გარეშე მუშაობის უზრუნველყოფა; სარეკლამო კომპანიებთან/მასმედიასა და სოციალურ მედიასთან ურთიერთობა; კვლევით ორგანიზაციებთან ურთიერთობა; პარტნიორ კომპანიებთან და საჭიროების შემთხვევაში მომხმარებლებთან ურთიერთობა. საკვალიფიკაციო მოთხოვნები: სასურველია უმაღლესი განათლება მარკეტინგის/ბიზნეს ადმინისტრირების მიმართულებით; მსგავს პოზიციაზე მუშაობის გამოცდილება; ინგლისური და რუსული ენების სასაუბრო და წერით დონეზე ცოდნა. პიროვნული თვისებები: კრეატიულობა და ანალიტიკური აზროვნება; კომუნიკაციის უნარი; გუნდის მართვის უნარი. „ინვეტი“ გთავაზობთ დინამიურ სამუშაო გარემოს, პროფესიული და კარიერული განვითარების შესაძლებლობას, ასევე კრეატიული იდეების გაზიარებისა და განხორციელების შესაძლებლობას. კომპანია მუდმივად ზრუნავს თანამშრომელთა პროფესიულ განვითარებასა და კვალიფიკაციის ამაღლებაზე. დაინტერესების შემთხვევაში, გთხოვთ, გამოაგზავნოთ თქვენი CV ელ. ფოსტის მისამართზე [email protected] არაუგვიანეს 2026 წლის 31 აგვისტომდე და ელექტრონული ფოსტის სათაურში მიუთითოთ სასურველი ვაკანსიის დასახელება. გთხოვთ, გაითვალისწინოთ, რომ რეზიუმეს გამოგზავნით, თქვენ აცხადებთ თანხმობას თქვენს მიერ მოწოდებული პერსონალური მონაცემების დამუშავებაზე კომპანიის მიერ "პერსონალურ მონაცემთა დაცვის შესახებ" საქართველოს კანონის ფარგლებში. გისურვებთ წარმატებებს!