უფროსი არქიტექტორი

შპს "ინფრაკონცეფტი" 2025 წლიდან მოღვაწეობს სამშენებლო და საპროექტო მიმართულებით. კომპანიის ძირითად სპეციალიზაციას წარმოადგენს მუნიციპალური ინფრასტრუქტურის პროექტირება და მშენებლობა, რაც მოიცავს ისეთი საზოგადოებრივი ობიექტების განვითარებას, როგორებიცაა: სკოლები, საბავშვო ბაღები, საქალაქო პარკები, სპორტული მოედნები და სხვა. გაფართოების მიზნით, კომპანია აცხადებს ვაკანსიას უფროსი არქიტექტორის პოზიციაზე. ძირითადი მოვალეობები: ** ურბანული განვითარების პროექტებზე მუშაობა და მათი მომზადება; ** საზოგადოებრივი სივრცეების საპროექტო დოკუმენტაციის შემუშავება; ** საზოგადოებრივი დანიშნულების შენობა-ნაგებობების პროექტირება. ** საკვალიფიკაციო მოთხოვნები: ** მაგისტრის აკადემიური ხარისხი არქიტექტურის მიმართულებით; ** არქიტექტურის სფეროში მუშაობის მინიმუმ 10-წლიანი პროფესიული გამოცდილება; ** მინიმუმ ერთი საავტორო პროექტი (არანაკლებ III კლასის შენობა), რომელზეც გაცემულია მშენებლობის ნებართვა; ** შესაბამისი გრაფიკული და საპროექტო პროგრამების მაღალ დონეზე ცოდნა (გთხოვთ, რეზიუმეში დეტალურად მიუთითოთ პროგრამები, რომლებსაც ფლობთ, მაგ.: AutoCad, ArchiCAD, Revit, 3ds Max, Adobe Photoshop და სხვ.); ** არქიტექტურულ და სამშენებლო საქმიანობასთან დაკავშირებული კანონმდებლობის ცოდნა, კერძოდ: საქართველოს მთავრობის დადგენილება №255; საქართველოს მთავრობის დადგენილება №41; საქართველოს მთავრობის დადგენილება №732; საქართველოს მთავრობის დადგენილება №354. სამუშაო პირობები და ანაზღაურება: სამუშაო გრაფიკი: სრული სამუშაო დღე (ორშაბათი - პარასკევი); ფიქსირებული ანაზღაურება: 5000 ლარი (Net - ხელზე ასაღები); გამოსაცდელი ვადა: 6 თვემდე; გამოსაცდელი ვადის წარმატებით დასრულების შემდეგ, ფიქსირებულ ანაზღაურებას დაემატება საბონუსე სისტემა (შესრულებული პროექტების მოცულობისა და სპეციფიკის შესაბამისად). განაცხადის მიღების წესი: დაინტერესებულმა კანდიდატებმა, გთხოვთ, გამოაგზავნოთ თქვენი განახლებული რეზიუმე (CV) და პორტფოლიო შემდეგ ელექტრონულ მისამართზე: [email protected] და გთხოვთ, ელ-ფოსტის სათაურის ველში (Subject) აუცილებლად მიუთითოთ ვაკანსიის დასახელება - "უფროსი არქიტექტორი". ყურადღება: პორტფოლიოს წარმოდგენა სავალდებულოა. მის გარეშე გამოგზავნილი განაცხადები არ განიხილება!